Specialistët e Seksionit për Hetimin e Krimit, në Stacionin e Policisë Prrenjas, bënë referimin e materialeve në Prokurori për procedim penal në gjendje të lirë ndaj subjektit të fabrikës së përpunimit dhe ambalazhimit të ujit me administrator shtetasin F.G., 47 vjeç banues në Tiranë.
Procedimi ndaj këtij subjekti filloi pas kallëzimit të bërë nga punonjësi i UK Librazhd, i cili është përgjegjësi i grupit të punës për verifikimin e lidhjeve të paligjshme në tubacionet e ujësjellësit. Gjatë verifikimit është konstatuar se përveç lidhjes së ujit që ka me ndërmarrjen e ujësjellësit kishte edhe një tubacion tjetër që furnizonte me ujë subjektin e lartpërmendur.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkatërrimi i rrjetit të ujësjellësit” parashikuar nga neni 159/1 i Kodit Penal.
ma.me
