Ditën e djeshme, deputetja e Partisë Demokratike ka postuar në rrjetet sociale qëllimisht një foto të një palë këpucëve të shtrenjta, për të provokuar deri ku mund të shkojë një media.
Menjëherë pas postimit të këtyre këpucëve, portalet online si opinion.al e Blendi Fevziut apo mapo.al e Henri Çilit, kanë rënë në grackën e Majlinda Bregut, duke krijuar lajme sikur këto këpucë janë të deputetes demokrate. Madje, Fevziu e Çili kanë zbuluar edhe vlerën e këtyre këpucëve si dhe stilistin që i ka krijuar.
Sot, në një portim tjetër, Majlinda Bregu, ka postuar foton origjinale të këpucëve, të cilat vërtetojnë se këmbët në foto janë të një modelje, ndërsa këpucët janë pjesë e ekspozitës së Marco de Vincenzos, për koleksionin pranverë 2014. Në këtë postim Bregu shkruan
“Pasi kenaqa syrin me kepucen majtas dhe e postova se jane nje ” veper arti”, kam dy dite qe qesh se si “m’ i veshen” mua ne kembe. Uroj qe ky stilisti po e mori vesh,te mos ndjehet keq se media shqiptare i ngaterroi emrin, i caktoi cmimin, dhe modeles i kerkoj ndjese qe iu ngaterruan kembet me politike…#smileisserious/ Citynews
