Presidenti i Francës, Emanuel Macron, gjatë vizitës së tij të fundit në Serbi, ka nënshkruar me Aleksander Vuçiç rreth 20 marrëveshje të ndryshme, pesë prej të cilave i takojnë fushës së ushtrisë dhe armatimit.
Si rezultat i këtyre marrëveshjeve, Serbia do të merrte nga Franca armatim të teknologjisë së fundit.
Ndërkohë një gjë e tillë ka nxitur reagime të shumta, e madje ka folur edhe kryeministri i Kosovës, Ramush Haradinaj, duke thënë se nuk e kupton se pse Serbia po armatoset kaq shumë.
Përveç kësaj Haradinaj ka thënë se nëse shtetet e BE-së nuk janë të gatshme të trajtojnë Kosovën si shtet, atëherë mbase ky është një mesazh që duhet të armatoset edhe Kosova.
Pa u përgjigjur ndaj deklaratave të kryeministrit Haradinaj nuk ka qëndruar ministri i Mbrojtjes i Serbisë, Aleksander Vulin, i cili ka provokuar rëndë, duke e krahasuar Kosovën me Shtetin Islamik (ISIS), shkruan Gazeta Express.
Këto deklarata skandaloze njeriu që është ministër i shtetit që udhëhiqet nga një prej bashkëpuntorëve të afërt të Sllobodan Millosheviçit, i ka bërë gjatë një intervistë në televizionin publik të Serbisë.
Sipas tij Franca i shet armatim Serbisë, pasi sipas tij e konsideron si shtet të besueshëm.
“Kur një shtet i fuqishëm si Franca të lejon ty që të blesh armatim, kjo nënkupton se ata kanë besim në ty. Ju nuk mund të gjeni sisteme të tilla armatimi tek terroristët e Shtetit Islamik, dhe Shteti Islamik është i ngjajshëm me atë që po e bën Prishtina. Është sikur të krahasosh Shtetin Islamik me Bashkimin Evropian”, ka thënë Aleksander Vulin për RTS, transmeton Gazeta Express.
Ai ndër të tjera thotë se Haradinaj është i zemëruar pasi që “projekti i pavarësisë së Kosovës ka mbetur i papërfunduar.
Sipas disa statistikave të publikuara kohë më parë, Serbia është vendi që shpenzon më së shumti buxhet për të blerë armatim, madje si shtet shpenzon më shumë se të gjithë shtete tjera të Ballkanit Perëndimor së bashku.
Këto deklarata skandalozë të Vulin vijnë vetëm pak ditë pas shënimit të 24 vjetorit të Masakrës së Srebrenicës, ku forcat paramilitare serbe nën direktivat e gjeneralit famëkeq, Ratko Mlladiq, kanë vrarë e masakruar mbi 8000 civilë të pafajshëm myslimanë, kryesisht djem të rinj dhe burra.
Shteti i Serbisë është gjithashtu përgjegjës për gjenocidin dhe krimet makabre të kryera gjatë luftës në Kosovë.
g.kosovari
