Ekonomisti gjerman Joachim Klement, i cili u bë i njohur për parashikimet e sakta të fituesve të tre Kupave të Botës të fundit, gaboi këtë herë me analizën e tij për Brazilin.
Duke u mbështetur në një model kompleks statistikor që kombinon të dhëna sportive, demografike dhe financiare, Klement kishte parashikuar se Japonia do të eliminonte Brazilin në fazën me eliminim direkt të turneut.
Megjithatë, në fushë ndodhi e kundërta. Brazili i drejtuar nga Carlo Ancelotti përmbysi rezultatin dhe fitoi 2:1, duke siguruar kualifikimin në fazën tjetër të Kupës së Botës.
Pas suksesit, Neymar nuk e la pa një përgjigje ekonomistin gjerman. Sulmuesi brazilian publikoi në rrjetet sociale një foto të Joachim Klement, të shoqëruar me mesazhin ironik: “Z. Joachim Klement… ju lutem, provoni përsëri në Kupën e Botës së ardhshme”.
Reagimi i Neymar u bë menjëherë viral, ndërsa fitorja e Brazilit tregoi se, këtë herë, algoritmet dhe llogaritjet statistikore të Klement nuk arritën të parashikonin atë që ndodhi në fushën e lojës.
