Provimi i Shtetit për profesionin e rregulluar të mësuesit do të zhvillohet gjatë tre javëve të para të korrikut.
Kjo është bërë e ditur nga Agjensia Kombëtare e Provimeve.
Nga ana e tyre kandidatët duhet të jenë të pajisur me dokumentet përkatëse si letërnjoftim (Kartë ID ose Pasaportë) për pjesëmarrje në provimin e shtetit (dokumenti origjinal); – kopje të Kartë ID ose Pasaportë, – faturën e pagesës së tarifës së provimit të shtetit për llogari të AKP, nga një bankë të nivelit të dytë/postë etj.
Po ashtu, kandidatët duhet të paraqesin ditën e provimit kopje të diplomave të programeve të ciklit të parë dhe të dytë të studimeve të përfunduara prej tyre, si dhe njohjen e tyre nga MAS, në rast përfundimi të programeve të studimit jashtë shtetit. (java /r.a)
