Vazhdojnë hetimet për zbardhjen e plotë të rrethanave ndaj sulmit kimik kundër ish-agjentit rus dhe vajzës së tij.
Sergei Skripal dhe vajza e tij Julia u gjetën të pavetëdijshëm në një stol në Salisbury, të dielën më 4 mars.
Policia britanikë po realizojnë një hetim madhor ku deri më tani janë marrë mbi 200 dëshmi nga dëshmitarë të identifikuar, ndërsa mbi 250 policë kundër terrorizmit janë përfshirë në këtë hetim.
Por ditët e fundit fokusin kryesor të hetimit mjeko-ligjor e ka marrë një buqetë me lule natyrale që ish-spiuni rus e ka dërguar në varrin e bashkëshortes së tij Liudmila, sipas një burimi të afërt me hetimin.
66 vjeçari dhe vajza e tij 33 vjeç, vizituan varrezat vetëm disa orë përpara se të gjendeshin të helmuar të dielën e kaluar. Besohet se lulet mund të kenë qenë të kontaminuara me agjentin e “rrallë” nervor- për të cilin ende nuk është konfirmuar saktësisht përbërja e tij, ndërsa ka lënë babain dhe të bijën në gjendje të rëndë, në një spital në Londër.
Një burim i afërt me hetimet tha për Daily Mail se po ndiqet një linjë e re e jashtëzakonshme e hetimit ku dyshohet se buqeta mund të ketë qenë e mbushur me helm.
Ndërkaq buqeta me lule tashmë po shqyrtohet nga ekspertë kimikë. (TemA TV)
