Në të njëjtën linjë me Sali Berishën ka qenë edhe anëtari i Komisionit të Mandateve, Enkelejd Alibeaj. Duke folur në pjesën e dytë të mbledhjes së Komisionit, deputeti i PD tha se në Itali janë dërguar misionarë për të prishur provat.
Më herët, Berisha shkruante se Rama ka dërguar në Itali Engjëll Agaçin për negociata.
“Noriega nis me urgjencë në Itali Sekretarin e Përgjithshëm të mafies shtetërore, Don Agaçion, për negociata për të shpëtuar lëkurën e tij” – shkruan ish-kryeministri.
Por këto pretendime të Partisë Demokratike përkthehen fare thjeshtë si akuza ndaj Drejtësisë italiane. Sepse qoftë ‘misionarët’ dhe qoftë ‘Don Agaçio’ në një rast të mundshëm provat do t’i manipulonin në bashkëpunim me Romën zyrtare. /javanews/b.d
