Dyshimet nëse do të bënte apo jo Presidenti Meta kallëzim penal ndaj kreut të Këshillit të Emërimeve në Drejtësi Ardian Dvorani janë shuar këtë mesditë, pas një njoftimit të zëdhënësit të Presidencës Tedi Blushi.
Por duke konfirmuar se te henen do te depozitohet kallezim penal ndaj Ardian Dvoranit, si kreu i KED, Presidenca paralajmeron padi edhe ndaj zyrtareve te tjere.
Ne nje reagim ne faqen e tij ne rrjetin social “Facebbok”, zedhenesi i kreut te shtetit thote se brenda javës Institucioni i Presidencës do të publikojë një VIDEO me fakte të pakundërshtueshme për opinionin vendas dhe botëror, që të mos ngelet asnjë analfabet në planet, i cili të mos e kuptojë dhunimin që një bandë ka tentuar t’i bëjë Kushtetutës dhe Gjykatës Kushtetuese të Republikës së Shqipërisë.
Sipas tij, kjo video me prova të pakundërshtueshme, do zbulojë fytyrën e vërtetë të një individi të papërgjegjshëm, i cili guxoi në mënyrë të tmerrshme kriminale t’i përvetësojë kompetencat kushtetuese Presidentit të Republikës, që as noterja e nderuar znj.Miranda Xhemalçe nuk pranoi ta bënte, pasi e dinte shumë mirë se betimi me dorën mbi Kushtetutë bëhet vetëm në Institucionin e Presidentit të Republikës dhe askund tjetër.
“Përveçse në gjuhën tonë të bukur shqipe, kjo video, po përgatitet edhe në anglisht, në gjermanisht, në italisht, në frëngjisht, dhe në disa gjuhë të tjera europiane, në mënyrë që të gjithë partnerët tanë ndërkombëtarë, që janë të interesuar, jo vetëm për realizimin me sukses të Reformës në Drejtësi, që u votua me konsensus, por edhe që janë kaq të shqetësuar për problemet skandaloze të funksionimit të shtetit të së drejtës në Shqipëri, të mos mashtrohen më”, shkruan Tedi Blushi, në emër të Presidentit
Sipas Blushit në këtë mënyrë, jo vetëm mbrojmë Kushtetutën e Republikës dhe të drejtat e të gjithë qytetarëve shqiptarë, por edhe tregojmë përgjegjshmëri për të gjithë taksapaguesit e vendeve partnere, që paguajnë aq shtrenjtë që ky vend i NATO-s dhe nesër i BE-së, të arrijë standardet e tyre, të shtetit ligjor dhe të demokracisë.
g.kosovari
