Një material audio në të cilin ish-Presidenti amerikan Donald Trump pranon se ka mbajtur një dokument të klasifikuar pas largimit nga Shtëpia e Bardhë është marrë nga mediat amerikane.
Regjistrimi , i siguruar nga CNN, përfshin detaje të reja nga një bisedë që është një pjesë e rëndësishme e provës në aktakuzën e prokurorit të posaçëm Jack Smith ndaj Trump për keqpërdorimin e informacionit të klasifikuar.
Ai përfshin një moment kur Trump tregon se ai mbante një dokument sekret të Pentagonit ku detajohet plani për të sulmuar Iranin.
Trump shpjegon se dokumentat janë hartuar nga gjenerali Mark Milley dhe që ai vetë pohon se dokumentat se janë të klasifikuara.
“Shiko si president unë mund ta kisha deklasifikuar. Tani nuk mundem, por kjo është ende një sekret. A nuk është interesante?“ dëgjohet të thotë ish-Presidenti.
Trump u padit në fillim të këtij muaji dhe u akuzua për 37 akuza në lidhje me keqpërdorimin e dokumenteve të klasifikuara pas largimit nga Shtëpia e Bardhë.
Asnjëra prej akuzave të ngritura nuk e pengon Trump të bëjë fushatë dhe, edhe nëse shpallet fajtor, të ushtrojë detyrën e presidentit, nëse zgjidhet. Megjithatë është e paqartë ndikimi që do të kenë këto probleme ligjore tek mbështetësit e tij.
/a.r
