Njeriu me lëkurë e brirë bizonti në kokë që pushtoi Kapitolin amerikan është bërë tashmë figurë e njohur në të gjithë botën. Jake Angeli Chansley ka dalë tashmë në mediat kryesore, duke u përballur me policinë e Kongresit amerikan, gjatë protestave të dhunshme që Donald Trump nxiti ndaj institucionit më të lartë të SHBA.
Angeli ka një mik fëmijërie, i quajtur Gary Trubl, i cili ka folur së fundi në rrjetin social, duke treguar diçka nga jeta dhe personaliteti i këtij “Robin Hudi” që doli nga hiçi.
“Ne u rritëm së bashku, ai ishte komshiu im, hera e fundit që e takova ishte në dasmën e vëllait tim në 2016. Ne gjithmonë grindeshim sepse ai ishte kundër shkollimit dhe në YouTube ai ka një kanal ku mban disa “Seminare”. Të paktën kjo është ajo që ai i quan ato”, shkruan Gary Trubl (@gtrubl) në Twitter.
“Jack është bërë plotësisht budalla, por nuk ka qenë gjithmonë kështu, thotë Trubl. Historia e Jack mori një kthesë për keq kur nëna e tij tradhtoi babanë dhe ky i fundit bëri vetëvrasje. Jack filloi t’i futet drogave të forta, ndryshoi emrin dhe papritmas ai u bë kështu, ky që shohim sot”, përfundon miku i tij i fëmijërisë.