Subjektet opozitare politike, Lëvizja Vetëvendosje, Aleanca për Ardhmërinë e Kosovës dhe Nisma për Kosovën, do të organizojnë të mërkurën gjatë ditës një manifestim në qytetin e Pejës. Manifestimi i thirrur kundër marrëveshjes për Asociacionin e Komunave Serbe dhe atë për demarkacionin me Malin e Zi, vjen pas atyre të javës së kaluar në Gjakovë dhe Gjilan, ndërsa do të pasohet nga protesta e së enjtes në Malishevë dhe të shtunën në Prizren.
Protesta në Pejë do të mbahet në sheshin kryesor të qytetit, me fillim në orën 12:00.
