Kryeministri Edi Rama ironizoi opozitën në Asamblenë e PS-së, duke u kërkuar qytetarëve të shohin semaforët e shkatërruar, trotuaret dhe kangjellat e shkulura nga protestuesit në Rrugën e Durrësit për të kuptuar se si ishte dikur e gjithë Tirana.
“Tirana 2030 do të jetë realiteti i shumëkujt që sot këto që thashë i kërkon se i sheh të parealizuara. Tirana 2030, ku shtëpi të vjetra në rrezik nuk bëhen pallate, po muze. Janë bërë muze, sepse është një rrjet i tërë që ka nisur të shkojë në atë drejtim, ku bashkia nuk sillet me qytetarin si një taksambledhës që shpik çdo vit e çdo muaj tarifa të reja. Kjo nuk është kritikë për Bashkinë e Tiranës, por autokritikë për të gjitha bashkitë.
Në fund dua t’ju ftoj ta shikoni pak Rrugën e Durrësit, semaforët e shkatërruar, trotuaret e shkulura, kangjellat e shkulura dhe të zhdukura, gjurmët e dhunës mbi trupin e rrugës. Ajo ishte Tirana që morëm ne. Ajo ishte tamam ashtu, jo vetëm në Rrugën e Durrësit, por në të gjithë hapësirën e saj.
Rruga e Durrësit sot është mundësi për të gjithë ata që nuk e kanë njohur atë Tiranë, për t’u kthyer në një kohë si në film, për të ecur në të, për të hequr pemët nga pamja, se edhe ato i kemi mbjellë ne, dhe për të parë se çfarë ndryshimi i madh ka ndodhur me Tiranën.
Atë rikthim në kohë e kanë mundësuar ata që e lanë Tiranën ashtu atëherë. Ata që kanë bërë gjithmonë të njëjtën gjë. Kur e kanë pasur mundësinë ta ndryshojnë Tiranën, e kanë lënë të lëngojë. Kur ne jemi përpjekur ta ndryshojmë, nuk kanë lënë gjë pa bërë që ta pengojnë”, tha Rama.












Sa vjete ke ne pushtet o ndytsire,a te vjene turpe me kto marrina,ti permende rrugen e durrsit.E ke bere Tiranen me ndertimet e kullave tuaje te grupeve kriminale,si Kabulin,ska nji park ku nenat me femije te pushojne te argetojne femijte.O qorre thirri mendjes,tani me zdine cfare flet.Shikon se ditet tuaje mbaruan,te prete drejtesia,do kalbesh ne burge,do ju merren parate e vjedhura,e cdo pasuri qe i keni popullit e vendit.