Disa u dogjën e disa u shembën mbrëmë nga përballja e policisë me protestuesit që kërkonin lirimin e deputetit të Vetëvendosjes, Albin Kurti.
Por krejt dëmi që iu shkaktua këtyre makinave, në protestën e opozitës të hënën mbrëma,
sillet në vlerën prej rreth 30 mijë euro,njofton Klan Kosova.
Dy veturat e bëra shkrumb i takonin zyrës së verifikimit gjyqësor të Kosovës dhe prokurorit disiplinor.
Këtu te objekti që iu bënë vend Prokurorisë së Shtetit dhe Komisionit qendror të Zgjedhjeve, u dogjën edhe dy makina të këtij të fundit.
Ndërsa qytetarët që mëngjesin e së martës kaluan këndejpari u shprehën të nervozuar ndaj këtyre dëmeve.
Por goxha punë, punëtorët e këtushëm patën në pastrimin e shkallëve të dëmtuara.
Kurse, kreu i Prishtinës, Shpend Ahmeti,që vjen nga subjekti politik që protestoi, tha se krejt këto dëme nuk e shpenzojnë buxhetin e komunës.
Ai shtoi se pasojat e mbledhjes së turmave si për festa ashtu edhe protesta janë kosto e të qenit kryeqytet.
