Në emër të LSI-së deputetja e re Kejdi Mehmetaj ka reaguar në lidhje me protestat e dy ditëve të fundit nga ana e një sërë maturantëve për të drejtat e tyre të studimit. Deputetja e LSI shprehet se shqetësimi i maturantëve është i justifikuar dhe se ata do duhet të ishin njohur më herët me ndryshimet e bëra. Sipas LSI-së, MAS dhe Ministra Nikolla duhet të reflektojnë për situatën e krijuar.
“Shqetësimi i maturantëve është i justifikuar. Kemi identifikuar disa probleme, kerkojme reflektim nga MAS. Të mos krijohet konfuzion me maturantët. Maturantët duhet te ishin njohur për ndryshimet më herët. MAS duhet të koordinohet me universitetet. Ka një moskoordinim të ministrisë. Ndryshimet në ligjin e arsimit të larte nuk duhet të bëheshin tani. Kriteret e pranimit të deklaroheshin që në fillim të shkollës. Do kërkohet ndryshmi i kritereve të pranimit. Mas të vazhdojë punën dhe të jetë pranë gjimnazistëve, procedurat të jenë të hapura dhe transparente”, deklaroi Mehmetaj.
Deputetja Mehmetaj fton gjimnazistët që të jenë bashkëpunues dhe të presin fazat e tjera.
“Ftojmë gjimnazistet që të jenë bashkëpunues dhe të presin fazat e tjera. E vetmja mënyre e mirë për ta kaluar këtë cështje është që të jemi pranë gjimnazistëve. Duhet të jemi sa më pranë tyre. Maturantët të jenë sa më parë në bankat e universiteteve”, tha deputetja e LSI./java/a.k
