Të burgosurit kanë qëlluar me armë dhe kanë djegur qelitë e tyre duke marrë kontrollin e një sektori të ndërtesës Carcel Devoto në periferi të Buenos Aires.
Prej 7 orësh po ndodh kjo ngjarje, ku sipas raportimeve janë lënduar 11 punonjës të policisë dhe dhjetëra të burgosur janë liruar.
Kjo revoltë është ngritur për shkak të situatës së koronavirusit, prandaj rreth 40 të burgosur morën kontrollin e njësisë 1 dhe dolën në çati duke hedhur gurë në rrugë.
Një nga të burgosurit në çati mbante një pankartë ku thuhej: “Refuzojmë të vdesim brenda në burg.”
Ndërsa një tjetër foli për mediat duke thënë: “Kemi raste të konfirmuara koronavirusi, janë disa njerëz dhe nuk kemi asnjë lloj mjeti mjekësor mbrojtës”.
Një dëshmitar jashtë burgut që thoshte se janë dëgjuar të shtëna armësh në një prej sektorëve.
Burime të policisë thonin se po prisnin qetësimin e gjendjes për të nisur negociata të mundshme me të dënuarit.
/a.r
