Protestat e dhunshme para Bashkisë dhe në Unazë, tre deputetët e PD rrezikojnë mandatin

Flamur Noka, Albana Vokshi dhe çuni i Fahrriut, Klevis Balliu janë tre deputetët e PD të ciëlt po merren këto ditë me organizimine protestave të dhunshme. Janë pikërisht këta tre dpeutetë të cilët rrezikojnë humbjen e mandatit të tyre për shkak se protestat para Bashkisë së Tiranës por edhe në Unazën e madhe kanë degjeneruar në dhunë, ndërsa nuk kanë munguar edhe lëndimet sikurse ka qenë plagosja e shtatë efektivëve të Policisë Bashkiake.
Neni 221 i Kodit Penal përcakton se “Pjesëmarrja në veprime masive të dhunshme, si vendosje pengesash apo barrikadash për të ndalur forcat e rendit, rezistenca me armë apo çarmatosja e tyre, pushtimi me forcë i ndërtesave, kryerja e plaçkitjeve, grumbullimi apo vënia në dispozicion e armëve, municioneve dhe njerëzve, krijimi i lehtësirave në favor të kryengritësve, të bëra për të përmbysur rendin kushtetues, dënohen më burgim nga pesëmbëdhjetë gjer në njëzet e pesë vjet”.
Ndërkohë neni 223 I Kodit Penal përcakton se “thirrjet publike për veprime të dhunshme Thirrjet e bëra publikisht për të kryer vepra të dhunshme kundër rendit kushtetues, dënohen me gjobë ose me burgim gjer në tre vjet”.
Por si hiqet mandati i deputetit?
Pas marrjes së kërkesës nga Prokuroria e Përgjithshme, Kryetari i Kuvendit në respekt të neneve 13 dhe 118 të Rregullores së Kuvendit duhet të thërrasë Këshillin për Rregulloren, Mandatet e Imunitetet. Me kërkesë të Kryetarit të Kuvendit, Këshilli shqyrton kërkesën për dhënien e autorizimit nga Kuvendi për fillimin e ndjekjes penale ose arrestimin e një deputeti.
Deputeti për të cilin kërkohet dhënia e autorizimit, lajmërohet për kërkesën e bërë dhe dokumentet që e shoqërojnë atë, si dhe i bëhet e ditur koha në të cilën do të mbahet mbledhja. Deputeti ka të drejtë të paraqesë në Këshill, me shkrim ose me gojë, shpjegimet dhe vërejtjet e tij rreth çështjes. Në përfundim të shqyrtimit, Këshilli, brenda 4 javëve, harton një raport për në seancë plenare, në të cilin rekomandon rrëzimin ose miratimin e dhënies së autorizimit për fillimin e ndjekjes penale ndaj deputetit. Shqyrtimi i kërkesës për dhënien e autorizimit për fillimin te ndjekjes penale ose arrestimin e një deputeti vendoset si pikë e parë e rendit të ditës të seancës pasardhëse. lexo.com.al