Forca të shumta policie janë tashmë te Unaza e Re ku janë vërejtur edhe disa përplasje mes disa banorëve dhe forcave të FNSH. Edhe deputeti i PD Klevis Balliu është konfrontuar me Forcat Speciale. Uniformat blu, të ndihmuar edhe nga FNSH, kërkuan largimin e banorëve nga rruga e bllokuar te “Astiri”. Bllokimi i Unazës ka sjellë kaos dhe trafik në lëvizjen e automjeteve.Aty ndodhet dhe Lulzim Basha i cili tha se Rama do mbajë përgjegjësi për policen që humbi gishtat. Sipas tij, Rama do mbajë përgjegjesi.
“Njeriu që frymëzoi dhunën dhe sharjet raciste ndaj qytetarëve është kryeministri Edi Rama. Rama mban përgjegjësi për dhunë e ushtruar ndaj banorëve dhe ai mban përgjegjësi për dhunën që ka shkaktuar viktima mes banorëve, gra me brinjë të thyera, zonja me shtyllën kurrizore të shembur, dhe për gishtat e prerë të policisë. Ky njeri që po përdor vjedhjen 40 mln euro, po përdor policinë. Ligji është me këta qytetarë. Kushtetuta është me ta. Ai po keqpërdor policinë për të mbrojtur vjedhjen 40 mln euro në këtë megaaferë. Ai po përdor policinë dhe qytetarët përballë. Policia dhe qytetarët janë në anën e ligjit dhe i vetmi në anën tjetër është Rama. “Ca vije të kuqe u shkel? Ai si njeh vijat e kuqe, por të bardhat, ato që merr me hundë.”, tha Basha.
“Duam shtëpitë tona”, “Turp, turp, turp”, “Edi Rama është shpellar, do ta tërheqim me litar”, këto janë thirrjet në kor të protestuesve, ndërsa kanë bllokuan rrugën. Përveç Bashës, në mbështetje të banorëve kanë shkuar edhe deputetë të PD-së dhe LSI-së.
vijon
