Nga Bajram Peçi
Ushqimi më i parapëlqyer i budallenjve ka qenë dhe mbetet lajka. Njerzit vdesin për pak lajkë! Nuk janë të pakët edhe të mençurit që bien viktima, janë të gatshëm ta shijojnë ose së paku të shohin se si u vijnë rrotull njerzit afër tyre!? Konkurenti më serioz i lajkës në menynë e ushqimit për sërën e budallenjve, pason në marrjen pjesë në protestën shqiptare të radhës.
Protestat e partive politike në sistemet demokratike janë pjesë e pashkëputur e lirisë në demokraci. Zvicra nuk bën protesta, jo se atje gjërat shkojnë fjollë, por kanë gjetur referendumin në popull, pasi kanë parë dhe provuar se protestat janë një gënjeshtër për turmën, shpenzohet kohë dhe fonde pa dobi. E kanë gjetur më me vend që fondet t’i përdorin për shtypje fletë-votimi, dhe me daljen e rezultatit, këtu, debati nëse duhet përdorur ose jo therja fizike për kafshët e kultivuara për mish, mbaron!
Në Paris protestat kanë patur plot arsye. Komuniteti arab i qytetit, sëbashku me Marsejën, u përfshinë para disa vitesh se ekipi arab u mund në botërorin e futbollit. Zemërimit të protestuesve ju nënshtruan automjetet e parkuara në rrugë, të cilat u përmbysën ose u dogjën. Por protestat për moshën e daljes në pension ishin tjetër gjë sepse atje ka sindikata, që këtu janë varrosur prej 30 vjetësh. Të fundmit sindikalistë në Shqipëri, prijësit e tyre, u larguan për SHBA, etj., pasi shitën copat e mbetura të kampeve të pushimit të punëtorëve.
Kur Partia Socialiste dhe kryetatri saj kishin dëshmi dhe prova bindëse se rezultatet e votatave në Lezhë u manipuluan në dëm të saj, çka ndryshonte rezultatit e përgjithshëm, kërkuan hapjen e kutive. Ndonëse ngritën në bulevard çadra, u mbyll gjithsesi protesta maratonë, pavarësisht se Rama i la Berishës në nëntor 2009, 10 ditë afat, “Hap kutitë ose të iki me zgjedhje të parakohshme”.
Nga çadra zhurmonte: “Nëqoftëse Berisha nuk hap kutitë ne do ta ngremë popullin shqiptar dhe do të ndalemi vetëm kur në Shqipëri të jenë shpallur zgjedhjet e parakohshme… Berisha do të dorëzohet si uzurpator. Ne nuk vijmë nga dhuna e nuk nxisim dhunë”, tha Rama në fjalën përmbyllëse
Po Berisha, hahaha…ju tha: nuk i hap kuti!? Protestat le të vazhdojnë! “Kutitë” -u tha Berisha-nuk hapen as sikur të ngrihet Enveri nga varri. Protestuesit qëlluan me vezë kryeministrinë, Berisha i përshëndeti gjuajtësit nga dritarja e kryeministrisë.
Një ditë, protesta u mbyll, Me ftesë të zotit Joseph Doul, Kryetar i Grupit të Partisë Popullore Europiane në Parlamentin Europian dhe me ftesë të zotit Martin Schulz, Kryetar i Grupit të Partisë së Socialistëve Europianë në Parlamentin Evropian, Kryeministri Berisha dhe opozitari Rama u nisen për në Strasbourg, për të ngrënë pjesë një darkë dhe …për t’i dhënë fund ngërçit politik në Shqipëri.
Militantët e Salës nuk gjuajnë me vezë (që nuk i kanë). Gjuajnë me bomba Molotov. Protesta me militantët e fshatit Mamurras, që Berisha i quan “Kombëtare”, kërkojnë paraprakisht dehjen me ushqimin e pijen, “se duhet me gjallë ose vdekur” të ruhet e mbrohet pasuria e luksi i prijësve të tyre! Kjo, sa pë nxemje, si i nxitje vullnetare e marrëzisë. Prijësi Berisha i gënjen të varfrit e Kamzës të thirrur në protesta antiqeveritare, që të luftojnë “narkoshtetin”. I quan protestuesit “Sovran”, zotër, kur ata nuk zotërojnë as një plis dheu!?
Sala u drejtohet me pasion të mjerëve pjesëmarrës, që të mbushin sheshin, flat me këmbëngulje e me zjarr, shoqëruar sipas zakonit me kërcënime e fyerje për kundërshtarët politikë. Karakteri e natyra e mbrapshtë, e nxjerrin rregullisht nga caqet e qytetarit. Qytetërimi i një populli, qoftë dhe i një grupi fisnor si ky grupimi i famijes Berisha, mënyra më e mirë për ta gjykuar është rruga, sjellja në rrugë. Lexuesin e siguroj se ashtu si e sheh në rrugë, me sjellje të pahijshme, do ta gjesh me sjellje të pahijshme edhe në shtëpi. Do mbesi gjatë në kujtesën e shkurtër të shikuesve TV, sjellja e Sali Berishës, që duke e valëvitur para turmës së egërsuar e nxitur prej tij, përdhoste flamurin kombëtar, prapa të cilës fshihet.
Me flamurin që valon dhe grupin e molotovëve që shpërthejnë në zjarr e flakë karburantin në dyert e muret e selisë qeveritare të Shqipërisë, mund të vazhdojë deri në ditën kur do u vijë radha zgjedhjeve të reja. Prej këtyre protestave, përpos humbjes së entuziazmit të pjesëmarrësve, mbeten vetëm njollat e djegjeve që karburanti i bombave Molotov ka lënë në shkallët dhe hapësirën para kryeministrisë.
