Protesta për vrasjen e Klodian Rashës, Altin Goxhaj: Efektivët janë të gjithë militantë dhe FRESH-ista

Avokati Altin Goxhaj, si pjesëmarrës në tubimin përpara Ministrisë së Brendshme, ku po protestohet kundër vrasjes së 25-vjeçarit Klodjan Rasha, hodhi akuza të rënda mbi Policinë e Shtetit. Goxhaj deklaroi se efektivi që qëlloi mbi 25-vjeçarin nuk përmbush kriteret ligjore për të qenë pjesë e ekipit të Reneas, pasi ka vetëm dy vite në strukturën e policisë. Gjithashtu avokati theksoi se nuk duhet t’i besohet komunikatave të Policisë së Shtetit pasi ato nuk janë të vërteta.

“Sa vite ka në polici efektivi që qëlloi, ka dy vjet. Struktura e Shqiponjave është special dhe kërkon kritere dhe eksperiencë më të madhe.

Policia rreh njerëz dhe i akuzojnë për rrahje të uniformave të policisë. E gjithë këtë e dëshmon  hedhja e armës në vendin e ngjarjes për t’ia lënë falin viktimës. Këta e kan mbushur policinë me militant, që as shkollën nuk e kanë tamam. E rëndësishme për t’u rekrutuar është s ii bie me grusht një qytetari. Këta as të gjuajn me grusht nuk dinë gjuajnë si femrat. Që nga data 2 Dhjetor nuk u botua në fletoren zyrtare, që do të thotë se qarkullimi pas orës 22:00 tashmë është i ligjshëm

Përball tij polici kishte një djalë që nuk shkeli as një vepër penale. Ku është e shkruar me ligj që thote se ikja me vrap është vepër penale.

Çdo raport nga policia është një mashtrim, mos e besoni, të gjitha janë mashtrime asgje nuk është e vërtet”, tha Goxhaj./a.p