Opozita do të protestojë sot para Kuvendit. Kjo është protesta e dytë radhazi, pas tubimit masiv të 16 shkurtit para Kryeministrisë.
Prej orëve të mëngjesit, dhjetëra qytetarë nga rrethet janë nisur drejt Tiranës. Autobusët, ashtu si protestën e shkuar, nuk do të lejohen në qytet. Të ardhurit nga veriu do ndalojnë tek “Asllan Rusi”, kurse të ardhurit nga Jugut tek Ekonomiku.
Kështu, mësohet se mbi 1500 forca policie do të angazhohen në mbarëvajtjen e kësaj proteste.
Nga sa mësohet, shpërndarja e uniformave blu pritet të jetë e ngjashme me protestën e së shtunës. Në gatishmëri pranë godinës së Parlamentit do të jenë edhe Garda e Republikës, e cila në rast se nga ana e protestuesve do të ketë tentativa për të hyrë në Parlament dhe për të berë akte dhune do të përdorë gaz lotsjellës.
Në gatishmëri pranë ambienteve të Parlamentit do të jenë dhe zjarrfikëset dhe ambulancat.
E.Xh./
