Ministri i Brendshëm Sandër Lleshaj ka reaguar pas protestës së opozitës.
Sipas tij, mbrëm Shqipëria përjetoi një protest të rezikshme pasi dje protesta kishte më pak njerëz por më shumë dhunë dhe maska.
Lleshja deklaroi se protestuesit u zhvendosën në mënyrë tinzare tek parlamenti. organizatorët tha Lleshaj, kishin hartuar plane për të sulmuar policinë.
“Protestë e dhunshme e paligjshme dhe e rrezikshme. Ishte një devijim i rëndë nga ligji, pati shumë më pak pjesëmarrës, gjë që përbën një lajm pozitiv se tregon që shqiptarët po kuptojnë se pas kujt nuk duhet të rendin dhe pas kujt duhet të shkojnë. Por pati shumë më tepër dhunë dhe tregon dëshpërimin e organizatorëve. Pati më tepër maska, dhe ndaj solli më tepër dhunë. U zhvendos në mënyrë tinëzare nga kryeministria, drejt parlamentit që ishte i boshatisur, duke krijuar pasaoja të rënda, duke përfshirë qytetarë të palidhur me protestën, duke sjellë dëme për biznese dhe mjete. Nga ana e organizatorëve nuk ishin marrë asnjë masë për sigurimin e saj, asnjë burim që protesta të zhvillohej brenda kornizës ligjore. Përkundrazi, u pa qartë se nga organizatorët, ishin marrë masa për të hartuar plane sulmi nga grupe sulmi për të përdorur dhunë kundër institucioneve kushtetuese dhe forcave të rendit. Pati thirrje antikushtetuese për kryengritje revolucion, dhunë”, tha ministri.
Gjatë fjalës së tij Lleshaj deklaroi se u përdorën lënd të ndaluara shpërthyese që dëmtuan qytetarët.
Ai falenderoi policinë që sipas tij dha shembull dinjiteti në krye të detyrës, dhe reagoi me trimëri përballë njerëzve që kanë vrarë njerëz për mbrojtjen e gardheve të tyre. ”
g.kosovari
