Ministrja e Arsimit, Sportit dhe Rinisë Evis Kushi ka reaguar përmes rrjetit social Facebook, duke dhënë mbështetjen ndaj maturantëve që kanë protestuar mbi shqetësimin e tyre për testin e matematikës.
“Në këto momente, jemi duke vlerësuar edhe një herë me grupet e ekspertëve nivelin e vështirësisë së çdo pyetjeje në testin e matematikës. Dhe në rast se na rezulton që ai e tejkalon nivelin e parashikuar, të cilin e kushtëzon mënyra e zhvillimit të mësimit gjatë këtij viti shkollor, pa dyshim që ne do ta rishikojmë shpërndarjen e pikëve në test dhe mënyrën e vlerësimit”, shprehet ministrja.
Testi i Matematikës ka bërë që maturantët të dalin në rrugë duke protestuar përpara Ministrisë së Arsimit këtë të shtunë. Kërkesa e tyre lidhet me uljen e pikëzimit pasi sipas tyre provimi ishte shumë i vështirë.
Maturantët janë shprehur se do qëndrojnë para ministrisë deri sa të marrin kontakte me autoritetet ose protesta e tyre do përshkallëzohet e me shumë gjasë paralajmeruan se do bojkotojnë provimin e radhës të Maturës. Ata kërkojne ose riperseritje te testit te Matematikes, ose te rishikohet pikezimi.
g.kosovari
