Policia e Fierit ka nisur procedimin penal për 5 protestues në Mbrostar, të cilët akuzohen për grumbullim të paligjshëm, duke penguar qarkullimin e mjeteve të transportit në rrugën nacionale Lushnjë-Fier.
Sipas policisë, janë proceduar penalisht shtetasit: A.G, 51 vjeç, G.V, 51 vjeç, Sh.V, 49 vjeç, S.T, 50 vjeç, dhe G.M, 17 vjeç, të pestë banues në fshatin Mbrostar Ura, Fier. Këta shtetas më datën 25.11.2016, ora 10:30, kanë bllokuar aksin rrugor Lushnjë-Fier, në vendin e quajtur “Mbrostar Ura”, në shenjë proteste kundër ndërtimit të impiantit të mbetjeve në Mbrostar.
Materialet i kaluan Prokurorisë pranë Gjykatës së Shkallës së Parë Fier për veprën penale “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit” parashikuar nga Nenet 262/2 dhe 293 të Kodit Panal.
ma.me
