Për të shmangur bllokimin e trafikut, policia ka bërë orientimin e mjeteve në disa akse alternative. Për të gjitha mjetet që vinin nga Durrësi dhe Veriu, policia orientonte hyrjen në Tiranë, duke i drejtuar tek “Zogu i Zi”.
Për të 15-ën ditë me radhë banorët e “Unazës së Re” protestojnë kundër shembjes së banesave të tyre, të cilat preken nga projekti i zgjerimti të rrugës. Edhe sot banorët dolën në protestë dhe bllokuan rrugën, duke paralizuar qarkullimin e automjeteve.
Për të shmangur bllokimin e trafikut, policia ka bërë orientimin e mjeteve në disa akse alternative. Për të gjitha mjetet që vinin nga Durrësi dhe Veriu, policia orientonte hyrjen në Tiranë, duke i drejtuar tek “Zogu i Zi”, siç e shikoni edhe në këtë hartë.
Ndërkohë për banorët e zonës së “Unazës së Re” apo Yzberishtit, policia krijoi një devijim të trafikut për në një rrugë dytësore, tek ish-Astiri në Unazë. Ndërkaq, për banorët e zonave Jugore dhe Juglindore të Tiranës, që do të dilnin nga Tirana duke përdorur autostradën Tiranë-Durrës, orientimi bëhej për nga rruga e Yzberishit.
Duke përdorur këto devijimi, u arrit që të shmangej bllokimi i qytetarëve në trafik për orë të tëra siç ndodhi në ditët e para të protestës ku kishte edhe konfrontime fizike mes shoferëve dhe protestuesve. (Shqiptarja.com)
