Policia e Dibrës ka çuar për procedim penal 16 shoferë furgonësh, të cilët këtë të diel mbajtën një protestë kundër kompanisë që gëzon liçencën për menaxhimin e tyre.
Shoferët kanë akuzuar drejtuesit e kompanisë se nuk i punëson ata dhe gjatë protestës kanë hedhur gurë ndaj furgonëve të saj dhe kanë penguar pasagjerët që të hipin.
Në këtë situatë kanë ndërhyrë forcat e policisë, të cilat kanë bërë shoqërimin e tre shtetasve, me inicialet A.K, E.K dhe M.K, të cilët nxisnin turmën të kryente akte agresive.
Ndërkohë, pasi është vendosur qetësia protestuesit janë denoncuar në prokurorinë e rrethit për akuzat e “vetëgjyqësisë”, “prishje të qetësisë publike” dhe “mosbindje ndaj punonjësve të policisë”.
