Kryeministri Rama do të zhvillojë sot një takim me Universitetet Publike dhe Jopublike për të diskutuar mbi procesin e rankimit të institucioneve të arsimit të lartë.
Ndonëse ditën e djeshme nisi viti i ri akademik, për shkak të kërkesave të tyre ende të paplotësuara nga qeveria, pedagogët kanë bojkotuar mësimin.
Akademikët riktheksuan se bojkoti dhe protestat do të vijojnë deri në një përgjigje te qeverisë për kërkesat e tyre.
Pedagogët nënvizuan se nuk do të negociojnë për kërkesat e tyre pasi rritja me 30% u bë pikërisht në shenjë negocimi, duke qenë se vlera që pedagogët kërkojnë në total është 50 %. Pra, akademikët kanë ndarë vlerën 50%, 30% për këtë vit dhe 20% në vitin e ardhshëm.
Kërkesat e pedagogëve:
- -Rritja e pagave për pedagogët dhe stafin ndihmës
- -Rritja e financimit për kërkimin shkencor
- -Rivendosja e shtesave mbi pagë për ‘Dëshmëri shëndeti në punë’
- -Rritja e shtesës mbi pagën për vjetërsinë në punë
- -Rritja e pagesës së orëve të ngarkesës suplementare
- -Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
- -Rishikimin e tatimit prej 23% mbi pagesën e ngarkesës suplementare
- -Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
- -Të bëhet transparencë mbi buxhetin dhe të ardhurat e universitetet publike.
/s.f
