Presëidenti i Republikës është në përgatitje të gjithanshme për tubimin e 2 marsit në bulevard, për të ndalur atë që ai cilëson “grusht shteti” të mazhorancës.
Gjithë “makineria” propagandistike e ligjore e presidentit, e mediave afër tij, e LSI dhe e segementeve të caktuara të opozitës janë vënë në funksion me kapacitet të plotë për të thirrur qytetarët në këtë tubim presidencial me nota të theksuara personale e politike të kreut të shtetit.
Një protestë e pazakontë dhe një rast për t’u studiuar në analet e historisë politike botërore për një kryetar shteti që organizon protestë kundër qeverisë.
Qasja për të thënë se po imitohet presidenti rumun nuk shkon, pasi kreu i shteti i Rumanisë nuk organizoi vetë protestë por ju bashkua qytetarëve si një njeri i thjeshtë, madje kundër qeverisë e cila po pengonte veprimin e drejtësisë mbi “peshqit e mëdhenj”. Meta bën të kundërtën.
Por ndërsa sheh me vëmendje se kush po merret me organizimin dhe promovimin e kësaj proteste për hallin e Metës me drejtësinë, sikurse nënvizoi dhe ministrja e Drejtësisë Etilda Gjonaj një ditë më parë, vihet re se janë këshilltarët dhe tërë stafi i Presidentit të Republikës.
I zgjedhur si simobol i unitetit të kombit dhe një figurë mbi palët, nuk ka lënë vend të Kushtetutës pa puthur dhe publikisht presidenti ynë, Ilir Meta ka angazhuar tërë njerëzit që paguhen me taksat tona për të qënë promotorë të këtij tubimi kundër qeverisë.
Në orarin zyrtar, këshilltari për Çështjet Ligjore në Presidencë Bledar Dervishaj shihet në çdo studio në emisionet e regjistruara që paradite, në çdo institucion dhe në çdo cep të Tiranës me dosje në dorë, në mbrojtje të shefit të tij, duke u kthyer në këtë mënyrë në një avokat personal të Ilir Metës, që bën mbrojtjen personale të kreut të shtetit me paratë tona.
Kur sheh se në krye të grupit organizator të tubimit të 2 marsit, pikërisht në ditën e parë të javës kur tërë njerëzia janë në punë, janë zyrtarisht këshilltari ushtarak Dedë Prenga, këshilltari për Emergjencat Civile Shemsi Prençi dhe ai për Pushtetin vendor Ylli Asllani, pa llogaritur dhe stafin e ngushtë presidencial “nëpër këmbë”, gjithkush në Shqipëri mëson se në Presidencë nuk punohet në shërbim të qytetarëve dhe Kushtetutës, por në shërbimin personal të Ilir Metës.
Janë taksat tona që shkojnë për hallin personal të Ilir Metës, ditën për diell, ndërkohë që organet ligjzbatuese në Shqipëri vetëm heshtin.(TemA)
g.kosovari
