Janë liruar 3 nga gjashtë protestuesit e arrestuar të enjten e kaluar të cilët ishin pjesëmarrës në protestën e fundit të opozitës të organizuar para Kuvendit të Shqipërisë.
Gjykata e Tiranës ka lënë në burgë tre protestuesit e tjerë.
Mariglen Doci
Dorjan Protoduari
Emiljan Mustafa
Ndërkohë për të tjerët gjykata ka vendosur masën e sigurisë “arrestit në shtëpi”, konkretisht për shtetasit:
Jurgen Gjikola
Bledar Dollia
Arbër Kola.
Prokuroria kishte kërkuar “arrest me burg”për të arrestuarit. Ata akuzohen për konsumimin e elementëve të veprave penale “Kundërshtimi i punonjësit të policisë së rendit publik”, “Goditje për shkak të detyrës” dhe “Prishja e qetësisë publike”.
Para gjykatës ishin mbledhur familjarë dhe përfaqësues nga PD dhe LSI. Përfaqësuesit e opozitës e kanë cilësuar verdiktin e gjykatës si një vendim të shtyrë politikisht nga ana e maxhorancës.
Për arrestimin e tyre policia kishte thënë se veprimet proceduriale janë kryer në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor.
G.kosovari
