Zërat se mund të ketë dhunë në protestë, Lulzim Basha i quajti ‘fake news’.
Pas takimit me aleatët dhe kryetaren e LSI, lideri i PD-së deklaroi se protesta do jetë paqësore dhe nuk do të ketë asnjë incident.
Lideri i opozitës u shpreh se do të dalë në shesh bashkë me familjen e tij.
“Çdo infomacion ‘fake’ që shpërndahet për skenare dhune, tregon frikën e maxhorancës.
Nuk do të ketë dhunë, do të dalim me familjet tona në protestë.
Unë do të jem me familjen time, jo luftë, as spektakël, por një protestë madhështore “, deklaroi Basha
Basha u bëri thirrje qyetarëve që të dalin në shesh dhe të mos rrinë në shtëpi duke mallkuar.
“Diskutuam me aleatët për protestën e nesërme.
Do të ketë një pjesëmarrje gjigante. Qytetarët janë ndërgjegjësuar se pushteti është kapur nga banditët.
Nesër do dërdhën të gjithë në shesh, protesta është qytetare dhe popullore.
Do shpallim planin për çlirimin e Shqipërisë nga krimi, korrupsioni dhe taksat e larta.
Mos rrini në shtëpi duke mallkuar, por dilni të gjithë në shesh”, deklaroi Basha
javanews.al/a.ç
