Ministri i Brendshëm Sandër Lleshaj ka thirrur në një takim urgjent të gjithë drejtuesit e policisë së Tiranës. “Shqiptarja.com” mëson se takimi do të zhvillohet në Ministrinë e Brendshme pas protestës së dhunshme që u zhvillua sot para Parlamentit, ku banorët të Unazës së Re tentuan të hynin me forcë në këtë institucion.
Në takimin urgjent është thirrur nëndrejtoresha e Policisë së Shtetit Aida Hajnaj, drejtori i Forcave Lëvizese Operacionale Sokol Bizhga, drejtori i Policisë së Tiranë Kastriot Skenderaj si dhe drejtori i Rendit, Gjovalin Loka. Bizhga mbeti i lënduar në shpatull gjate protestës.
Gjatë protestës mbetën të dëmtuar 15 punonjës policie, mes tyre Ina Muka e cila humbi dy gishta të dorës së djathtë. Të plagosur mbetën edhe tre protestues gjithashtu.
ma.me
