Pas kritikës së deputetes Majlinda Bregu drejtuar kolegeve të saj demokrate në lidhje me protestën që këta të fundit bënë ditën e djeshme përballë kryeministrisë, ka reaguar deputetja Arbiola Halimi, e cila përmes një statusi në rrjetin social ka shkruar:
“Ne bregun e lumit qendronte nje zonje/ Syte i kish te mbyllur, se pa/ Kaloi nje Shqiponjë”, është poezia e postuar nga Halimi.
Në protestën e organizuar nga deputetet e djathta ditën e martë për gjuhën e Kryeministrit drejtuar femrave demokrate, mungoi Majlinda Bregu dhe Jozefina Topalli. Këtë të mërkurë, pas një postimi që bëri në rrjetin social në lidhje me protestën, Majlinda Bregu tha:
“Isha në një angazhim tjetër e më keqardhje m’u desh të mungoj, por ashtu si shkoi, ndihem më mirë që nuk isha dhe do t’u kërkoj kolegeve të mia të ulemi dhe të flasim seriozisht për atë që na takon të bëjmë seriozisht”
