Me ardhjen e kryediplomatit grek Kotzias në Tiranë dhe protestën e zhvilluar nga Shoqata Çamëria, kanë ardhur reagimet e para në gazetat më kryesore të shtetit helen. Gazeta “Protothema” shkruan se Kotzias u gjend i papërgatitur në Tiranë pikërisht për shkak të protestës në dyert e Ministrisë së Jashtme shqiptare dhe se qeveria shqiptare kujton se mund t’i bëjë presion Athinës për shkak të krizës ekonomike. “Kathimerini” shkruan se protesta e shoqërisë Çamëria ishte një lëvizje e turpshme e cila u lejua edhe nga autoritetet policore.
“Fqinjët besojnë se mund të bëjnë presion mbi Athinën për shkak të krizës ekonomike. Me një lëvizje të turpshme, kreu i diplomacisë greke i ofroi ministrit të Jashtëm shqiptar për të rënë dakort për një plan për të diskutuar çështjet e ndërsjellta, taktikë e z.Kotzias e ndjekur edhe në rastin e Shkupit, por pa rezultate”, shkruan “Protothema”.
“Një vizitë ndërshtetërore e pazakontë në marrëdhëniet e praktikës diplomatike, Shoqata Çamëria nën tolerancën e autoriteteve, tentoi të pengonte hyrjen në Ministri të ministrit të Jashtëm Nikos Kotzias gjatë vizitës në Tiranë”, shkruan e përditshmja Kathimerini.
Gazetat gjithashtu nuk kanë lënë jashtë kritikës dhe Ministrin e tyre, duke e cilësuar qëndrimin e tij si tepër të butë./ java/ a.k
