Deputetja e Partisë Demokratike, Dhurata Çupi ka ironizuar protestën e zhvilluar sot para Kryeministrisë nga partia “Mundësia” e kryesuar nga Agron Shehaj.
Në emisionin “Ngjarja Kryesore” në RTSH 1, drejtuar nga Sonila Agostini, ajo deklaroi se nuk duhet ta ulim debatin që një parti të vogël që bën protestë para kryeministrisë, sepse monopolin e Bulevardit “Dëshmorët e Kombit” e ka vetëm Partia Demokratike sepse vetëm ajo mund ta arrijë ta mbushi me njerëz.
“Mos ta ulim debatin që një parti e vogël po bënte protestë sot para kryeministrisë Ne para nja jave mbushëm bulevardin. Për sa i takon partive opozitare, bulevardin e mbush vetëm Partia Demokratike. Nuk ka asnjë parti tjetër që mbush bulevardin “Dëshmorët e Kombit”. Kjo është e vendosur dhe monopol i PD”.
Per shkak të eksperiencës sime prej nëntë vitesh në parlament, vijon deputetja demokrate, kam një qasje tjetër për këto partitë e vogla që nxjerrin vetëm një deputet.
“Këto parti që nxjerrin vetëm një deputet nuk i sjellin asgjë të mirë shërbimit publik. Një deputet që ka vetëm votën e tij, fatkeqësisht ka dhe nga ata deputetë që bëhen me qeverinë”
