Policia e shtetit ka proceduar penalisht disa deputetë të PD, pas bllokimi të rrugëve për 1 orë dje. Ndër deputetët e proceduar penalisht janë Liljana Elmazi dhe Arben Ristani, të cilët Basha i kishte caktuar si përgjegjës për bllokimin e rotondos së Plugut në Lushnje. Por procedimi i tyre ka ngjallur edhe reagimin e deputetëve të tjerë të PD. Mimoza Hajdarmataj i ka bërë thirrje Aleancës së Grave Deputete kryetare e që te reagojë në lidhje me këtë veprim të policisë ndaj deputetes Elmazi. Sipas saj Rama nuk duhet të merret me gratë.
Reagimi
Republika e vjetër në grahmat e fundit. Procedimi penal ndaj një deputeteje është fundi i parlamentit të turpit dhe i një kryeministri diskriminues ndaj grave.
Miq,
Njoftimi zyrtar i policisë, për të nisur proçedim ndaj koleges Elmazi, më shkaktoi edhe më shumë neveri ndaj kësaj qeverisje e mazhorance që përmes shtetit policor me dhunë shkresore, kërkon të mbahet në këmbë e ti thotë shqiptarëve ”po bëjmë shtet”!!!
Vajmedet Edi Rama, që edhe në historinë e Vlorës ku ti je deputet, do hysh si burracaku që merret me zonja që i kanë dhënë e i japin krenari qytetit me trimërinë dhe kontributin e tyre. I bëj thirrje Aleancës së Grave Deputete të reagojë për rastin. Të jemi mbi të gjitha Aleanca e Grave të Lira, në parlamentin e kapur nga krimi./javanews.al/c.a
