Protesta e opozitës ka qenë tema e diskutimit edhe studion e “Real Story” në Vizon plus. Deputeti i PD, Aldo Bumçi deklaroi se 2017 është viti i turpit në Shqipëri.
“Protesta është rruga për të treguar që kjo qeveri nuk është legjitime. Shqiptarët po largohen në Europë, më shumë se sirianët. Më 27 Janar, opozita del nga ajo gjëndje që humbëm zgjedhjet. Shqipëria përbën lajm vetëm për kanabizimin, azilkërkuesit dhe krimin. Rama foli vetëm për tepsi dhe timon, nuk ka bërë asgjë”, deklaroi Bumçi
Deputeti socialist, Bledi Çuçi deklaroi se opozita mund të përdorë protestën për të penguar integrimin e vendit. Çuçi deklaroi se komisioneri Hahn ka konfirmuar se Shqipëria është në rrugë të mbarë
“Komisioneri Hahn deklaroi se Shqipëria është në rrugë të mbarë. Hahn e ka thënë shumë qartë. Kjo është rruga drejt integrimit të Shqipërisë. A nuk i shohin gjithë këto të zeza europianët. Shqipëria është shumë afër çeljes së negociatave”, deklaroi Çuçi
javanews.al/a.ç
