Kryetari i Partisë Demokratike Lulzim Basha teksa foli për protestën e 27 janarit kundër qeverisë, theksoi se kur njerëzit dalin në shesh, kryeministri duhet të japë dorëheqje.
Në një intervistë për emisionin ‘Opinion’ Basha u ‘kap’ disa herë edhe me gazetarin Blendi Fevziu, teksa ky i fundit tha se protesta ka edhe forma të tjera. Kaq mjaftoi që Basha me batutë t’i drejtohej nëse e kishte fjalën për pushkët.
DEBATI
Fevziu: Protesta ka edhe forma të tjera
Basha: Ça formash? Të marrim pushkët? Merre ti pushkën i pari, pastaj unë pas teje. Opozita ime është europiane, pasi unë mendoj se që të hyjmë në Europë duhet të dimë standardin. Por dhe europianët kur u shkon thika në palcë, shkojnë në shesh dhe ikën kryeministri. Njerëzit në sheh tregon se Edi Rama duhet të largohet.
Fevziu: Do ketë tension protesta?
Basha: Të iku zëri nga regjia
Fevizu: Opozita vetëm zërin ka zoti Basha
