“Do ta shkatërrojmë këtë copë letre”, ka thënë një përfaqësues i protestuesve, lidhur me deklaratën e partive shqiptare të përgatitur nga kryeministri shqiptar, Edi Rama.
Ata kanë kritikuar partitë maqedonase se pse nuk janë distancuar që në fillim nga kjo Deklaratë.
Protesta është e zhvilluar e qetë, por me disa brohoritje dhe këngë provokuese si: Jemi gati të vdesim për Maqedoninë etj.
Filluan protestat antishqiptare në Shkup
Disa dhjetëra njerëz u mblodhën sot në oborrin e Kishës Ortodokse në qendër të Shkupit për të shprehur zemërimin e tyre kundër zyrtarizimit të gjuhës shqipe, dhe siç thonë ata edhe kundër ndarjes së Maqedonisë.
Kreu i Organizatës “Të palëkundurit”, Dragan Ugrinovski, deklaroi se janë grumbulluar vullnetarisht për të mbrojtur Maqedoninë dhe apeloi tek mediat që të mos e etiketojnë ose ndërlidhin këtë Organizatë me partië politike.
