Kryetari i Partisë Demokratike, Sali Berisha po zhvillon konferencën e përditshme të tij me gazetarët në selinë blu, nga ku kritikoi kryeministrin Edi Rama lidhur me pjesëmarrjen e tij në samitin e zhvilluar në Spanjë me titull “Në Mbrojtje të Demokracisë”.
Sipas kryedemokratit, Rama ka tentuar ta fshehë pjesëmarrjen në samit, dhe ta paraqesë si vizitë zyrtare në Spanjë pët tu takuar me Pedro Sanchez-in, ndërkohë që edhe liderë të tjerë shtetesh ishin pjesëmarrës.
Kur një kryeministër shkon në një vend e merr pjesë në një samit sikur të ishte klandestin, ndërkohë që ishte një ngjarje publike ndërkombëtare e thirrur nga kryeministri spanjoll, me një numër të konsiderueshëm kryeministrash dhe kryetarë shtetesh. Çfarë emri mund ti vini një kryeministri të tillë, që fsheh pjesëmarrjen e tij në një samit ndërkombëtare dhe eshët sikur ishte në një vizitë zyrtare ne Spanjë. A mund ta quani këtë një burrec, një langaraq, por mundet edhe një prostitutë amorale politike?”, tha Berisha.
