Drejtësia franceze liroi sot Dominique Strauss-Kahn nga akuzat për pjesëmarrje në një rrjet prostitucioni, një vendim që mbyll një seri skandalesh seksuale që shkatërruan karrierën politike të ish-drejtuesit të Fondit Monetar Ndërkombëtar.
Ish-politikani i të majtës franceze, në një kohë favorit për zgjedhjet presidenciale në vitin 2012, ka qëndruar i qetë gjatë leximit të gjykimit, para gjykatës penale në Lilë, në veri të Francës.
Në këtë çështje të zbuluar në vitin 2011, ai u akuzua se kishte marrë pjesë në disa në disa festa me prostituta të organizuara nga miqtë në Lilë, Belgjikë dhe Uashington, ku ndodhet dhe selia e FMN-së.
Në përfundim të seancave dëgjimore, që zgjatën tre javë në muajin shkurt, prokurori kishte kërkuar lirimin nga akuzat të ish-drejtuesit të FMN-së për mungesë provash.
Katërmbëdhjetë persona janë akuzuar për këtë çështje të ashtuquajtur ”Carlton”, emri i një hoteli luksoz ku punonin disa prej të pandehurve.
