10-vjetori i pavarësisë së Kosovës ka bashkuar politikën shqiptare. Ndonëse ndahen për shumë çështje, Kosova ka bërë bashkë sot opozitarë e qeveritarë, të majtë e të djathtë.
Kryeministri Edi Rama ka folur për një politikë të jashtme të përbashkët mes Shqipërisë dhe Kosovës. Duke mbajtur fjalën e tij në Kuvendin e Kosovës ku u mbajt një seancë solemne për 10-vjetorin e Pavarësisë.
Kryeministri foli për një president simbol të të dy vendeve.
“Kosova dhe Shqipëria do të kenë një politikë të jashtme, e jo veç ambasada dhe përfaqësi diplomatike të njëjta, por pse jo një President simbol të unitetit kombëtar dhe një politikë kombëtare të sigurisë. Mbase ky parafytyrim sot mund të mos jetë i këshillueshëm në rrafshin e racionales, por historia për të cilën mora leje qysh në fillim për të mos folur sot, na këshillon se çka është e drejtë të ëndërrohet, nuk është e pamundur të realizohet“, u shpreh Kryeministri Edi Rama.
Në këtë seancë solemne të Kuvendit të Kosovës, ishin të pranishëm edhe Presidenti shqiptar Ilir Meta, kryetari i Kuvendit Gramoz Ruçi, kryetari i opozitës Lulzim Basha dhe ish-Kryeministri Sali Berisha.
Pjese nga fjala e Ramës
Kosova dhe Shqipëria dy realitete formalisht të ndara administrative, ato bashkohen dhe jetojnë në një fushtë të njëjtë ekonomike, institucionale në funskion të afrimit të pandashëm të programit kombëtar të së ardhmes.
Dialogu i vështirë me Serbinë do të jetë historik. Shqiptarët dhe serbët do jetojnë në paqe.
Kosova dhe Shqipëria do të ketë një politikë të jashtme, një president simbol të unitetit kombëtar dhe një politikë kombëtare të sigurisë. Historia na këshillon se çka është e drejtë të ëndërrohet, nuk është e pamundur të realizohet. Kosova dhe Shqipëria me një program kombëtar.
Pezmi politik i seancave në Shqipëri e Kosovë rëndojnë vrapin tonë drejt të ardhmes. Kosova dhe Shqipëria duhet të mendojnë për njëra-tjetren dhe nëpërmjet njëra-tjetrës.
Në 20 vjetorin e Pavarësisë dua të jem sërish këtu, por thjesht si babai i Zahos. Si kryeministër do bëj gjithçka për dy vendet tona.
https://www.facebook.com/edirama.al/videos/10155576218786523/
a.ç
