Presidenti francez, Francois Hollande tha se ai do që të hiqen sanksionet e Perëndimit ndaj Rusisë, pasi është bërë progres në bisedimet për Ukrainën.
Ai nuk specifikoi se cilat sanksione duhen heq. Sanksionet nisën që kur Rusia aneksoi Krimenë në mars të vitit të shkuar.
Hollande tha se presidenti rus, Vladimir Putin i kishte thënë se nuk do që të aneksojë Ukrianën lindore. Edhe zëvendëskancelari gjerman, Sigmar Gabriel, ka paralajmëruar kundër sanksioneve të tjera ndaj Rusisë, shkruan Mapo. Ai tha se ata duan të zgjidhin konfliktin, por jo të gjunjëzojnë Rusinë.
