Pronari i një lokali në Fier i identifikuar si Ervin Murati 28 vjeҫ, ka përfunduar në pranga pasi është kapur në flagrancë nga policia duke rrehur një shtetase 38-vjeҫare, që ishte punëtore në lokalin e Muratit.
Në momentin që 28-vjeҫari po rrihte kamerieren, një patrullë policie e ka parë skenën që po ndodhte në rrugë dhe ka ndërhyrë duke arrestuar autorin.
38-vjeҫarja ka deklaruar se ajo donte të linte punën, gjë të cilën e ka kundërshtuar pronari, dhe më pas gjithçka ka përfunduar në përplasje fizike.
“Nuk isha e kënaqur me kushtet e punës, ndaj edhe i thashë se nuk do të punoja më, por pronari nuk e pranonte një vendim të tillë. Nuk më linte dhe në momentin që dola te dera, nisi të më qëllonte”, ka thënë N.Sh.
a.ç
