Me gjuhë të ashpër kryeministri Edi Rama e drejtoi gishtin nga policia e Shtetit në lidhje me plagosjet dhe të shtënat në lokale në zonat bregdetare. Rama u shpreh se pronarët e këtyre lokaleve që sfidojnë ligjin dhe shtetin i kanë kthyer shefat e komisariateve në tutorë të veprimtarisë së tyre dhe i tërheqin për hunde.
Rama u ndal tek rasti i Sarandës, ku gjatë një sulmi me armë mbeti i plagosur një turist dhe një biznesmeni i “Orange Club” duke theksuar se nuk duheshin kaluar me vërejtje por me përjashtim imediat dhe ndëshkim penal të zinxhirit drejtues.
“Sot kur ne jemi tanimë në sezon turistik dhe numri i lartë i pushuesve që hyjnë dhe dalin në vend është domethënës. Kemi policinë e Shtetit përmes individësh të padenjë që t’i shkojë kundra detyrimit të të gjithëve bashkë të çdo structure të shtetit, për t’i pritur dhe për t’i sajdisur të gjithë pushuesit sipas traditës së një vendi që pretendon të bëhet më i miri në vend. Duhen luftuar pa asnjë kompromis dhe me zero tolerancë. Dhe këtu dua të nënvizoj shumë fort një fakt që në vetvete është shumë sfidues për ligjin, për shtetin, për Policinë e Shtetit. Kush janë këta pronarë lokalesh në zonën bregdetare që në mënyrë të hapur shkelin ligjin? Tejkalojnë kufirin e orës policore, krijojnë hapësire abuzivizmi që degjeneron deri në krisma e plagosje në mes të një dynjaje të tërë që është mbledhur aty në loakl. Kush janë këta? Këta janë tutorët e Policisë së Shtetit në atë territory këta janë korruptuesit e Polciisë së Shtetit, abuzuesit më të mëdhenj me uniformën e Policisë së Shtetit që tërheqin për hunde shefa komisariate që i kthejnë në roje të aktivitetit të paligjshëm. Rasti i Sarandës ishte një rast alarmant. Ai rast duhet të ndëshkim oenal të të gjithë zinxhirit të komandës në Sarandë, jo në hetime administrative e masa ordinere. Në përjashtimin imediat dhe ndëshkimin penal të personave përgjegjës. Kush e mban përgjegjësinë për nxjerrjen e armëve dhe sakatimin e njerëzve në tret ë natës përveç atyre që e kanë lejuar zhvillimin e kësaj gjësë në mes të qytetit e jo në një luginë të humbur“, deklaroi Rama.
g.kosovari
