Prokurorja Dorina Bejko ka aplikuar për të qenë anëtare e SPAK. Bejko është prokurore në Prokurorinë e Rrethit të Pogradecit.
Aplikimet për 15 vende në SPAK u hapën më 7 janar. Në institucionet e reja që pritet të formohen për llogari të reformës, pritshmëria më e lartë publike është për SPAK, strukturën e veçantë që do të hetojë dhe vendosë para përgjegjësisë politikanët dhe zyrtarët e lartë.
Prokuroria e Posaçme (SPAK) i kryen funksionet e saj në mënyrë të pavarur, nëpërmjet prokurorëve të posaçëm, të cilët emërohen nga Këshilli i Lartë i Prokurorisë.
