Prokuroria kërkon 3 vite burg për gjyqtarin e Beratit, Shyqyri Çobo, i akuzuar se kërkoi favore seksuale në këmbim të dhënies së një vendimi drejtësie.
Pritet trupi gjykues të vendosë nëse do të marrë parasysh pretencën e Prokurorisë, ndërkohë që nëse miratohet, gjyqtari do të përfitojë gjykimin e shkurtuar me 2 vjet.
Shyqyri Çobos, ish-gjyqtar i Beratit u pezullua për kërkim të favoreve seksuale dhe po gjykohet pranë Gjykatës së Krimeve të Rënda për akuzën e “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.
Këtë vepër, sipas akuzës, gjyqtari e ka konsumuar pasi me anë të bisedave dhe mesazheve telefonike ka kërkuar favore seksuale nga një grua, të cilën po e gjykonte në një proces civil, për divorc.
Referuar kodit penal, gjyqtari Çobo nëse deklarohet fajtor nga gjykata rrezikon një dënim nga 3 deri në 10 vjet burg.
shqiptarja.com/d.i.
