Prokuroria e Krimeve të Rënda ka dhënë sot pretencën për 10 të arrestuarit e aksionit të Lazaratit, i cili u zhvillua në qershor të 2014. Ndaj tyre rëndojnë një sërë veprash penale, si tentative vrasje të oficerëve të policisë, prodhim dhe shitje të hashashit, e të tjerë. “Grupi i zjarrit”, ka pranuar shkurtimin e gjykuar, e për pasojë iu është ulur 1/3 e dënimit. Prokuroria e Krimeve të Rënda ka dhënë pretencën për këta të arrestuar:
- Gate Mahmutaj 18 vjet burg
- Vandam Mahmutaj, 8 vjet burg
- Arjan Basha 17 vjet burg
- Altea Haska, 18 vjet burg
- Ramadan Basha 14 vjet burg
- Matias Bocai 11 vjet burg
- Klajdi Karmemani 7 vjet burg
- Enklend Aliko 12 vjet burg
- Lorenc Bregu 7 vjet burg
- Drini Aliko 3 vjet burg
Ata akuzohen për prodhim, mbajtje dhe shitje të lëndëve narkotike. Gjithashtu, personat e lartpërmendur kanë vepruar si një grup i strukturuar kriminal dhe që kanë sulmuar me armë punonjësit e policisë. Fatmirësisht në superaksionin policor, nuk pati oficerë të vrarë. Ai u cilësuar si një ndërhyrje e suksesshme, duke thyer mitin e fshatit të paprekshëm, për sa i përket kultivimit të marijuanës.
