Prokuroria belge ka informacione, sipas të cilave autorët e sulmeve terroriste në Bruksel kishin planifikuar edhe një sulm të ri terrorist në Paris, që për çështje kohe nuk u arrit të realizohej, deklaruan sot burime nga kjo prokurori.
Prokuroria federale e vendit njoftoi gjithashtu se i dyshuari për terrorizëm në Paris, Mohamed Abrini, i cili u bë i njohur si ”njeriu me kapele”, bazuar mbi videon e një kamere vëzhgimi në aeroportin e Brukselit, pak përpara se ai të sulmohej, do të përballet me akuza të reja.
Abrini është akuzuar deri tani për vrasje terroriste, për tentativë vrasjeje terroriste dhe pjesëmarrje në aktivitetet e një grupi terrorist në lidhje me sulmet në aeroportin dhe metronë e Brukselit.
Pak kohë më parë ai ishte akuzuar edhe për lidhje me sulmet terroriste në Paris, nëntorin e kaluar.
