Prokuroria e Kosovës ka shpjeguar arsyen e arrestimit të deputetit të Vetëvendosjes Albin Kurti.
Ai u arrestua mbrëmë nën dyshimin se ka kryer veprën penale shkaktim i rrezikut të përgjithshëm, nga neni 365 i Kodit Penal të Republikës së Kosovës dhe Përdorimi i armës, nga neni 375 i Kodit Penal të Republikës së Kosovës
Arrestimi i Kurtit ka ndodhur në kuadër të hetimeve që i ka filluar Departamenti i Krimeve të Rënda, në Prokurorinë Themelore kundër deputetëve të Kuvendit të Kosovës, për ngjarjet e fundit në Kuvend, të gjithë nën dyshimin se kanë kryer veprën penale shkaktim i rrezikut të përgjithshëm, nga neni 365 i Kodit Penal të Republikës së Kosovës dhe Përdorimi i armës, nga neni 375 i Kodit Penal të Republikës së Kosovës.
Prokuroria ka njoftuar se Albin Kurti është marre ne pyetje në polici, në prezencë të avokatit mbrojtës dhe menjëherë është liruar me procedurë të rregullt.
Hetimet për këtë rast janë duke u zhvilluar.
