Prokuroria e Katanias ka kërkuar 18 vite burg për Moisi Habilajn, me akuzën për trafik ndërkombëtar lëndësh narkotike. Ky i fundit konsiderohet edhe si kreu i grupit që merrej me trafik droge. Ndërsa për Meridian Sulajn, pjesë e grupit të drejtuar nga Habilaj, prokuroria ka kërkuar 12 vite burg. Për Nazer Seitin i cili konsiderohej dhe si “financieri’ i grupit, akuza ka kërkuar 6 vite burg.
DËNIMET PËR ANËTARËT E TJERË TË GRUPIT
Për Meridian Sulaj, 12 vjet dhe katër muaj, ndërsa për Fatmir Minaj është kërkuar lirimi. Nazer Seiti, i konsideruar si financieri, rrezikon gjashtë vjet. Organizata, e cila në Shqipëri gëzonte mbrojtje nga disa pjesë të policisë, kryente trafikun kryesisht nga deti, falë mbështetjes së disa anijeve të peshkimit, thuhet më tej në mediat italiane.
Për Antonio Riela, aktualisht i ndaluar, prokurori ka kërkuar 15 vjet burg. Gianluca Spampinato, 10 vjet e katër muaj; Gianluca Passavanti, katër vjet dhe 20 mijë euro gjobë. Për William Patanè, Fabio Spampinato, Carmelo Bertolini, Enrico Maria Giaquinta, Massimiliano Brundo, Antonio Greco, Giuseppe Greco dhe Rosario Giuliano dy vjet e katër muaj dhe gjashtë mijë euro gjobë.
Hetimeve italiane, të kryera nga policia vendase, u bashkuan më pas me një dosje nga Prokuroria e Krimeve të Tiranës. I afërmi politik i Habilajt është nën vëzhgim. Tahiri ka hedhur poshtë gjithmonë akuzat, por hetimi kundër tij vazhdon. Në Itali, magjistratët shqiptarë arritën në muajt e fundit. Në pyetjet e tyre, në burgun Bicocca, Habilaj vendosi të përgjigjet, por përmbajtja e procesverbalit, të paktën për momentin, nuk u zbulua.
a.meta
