Burime të policisë bënë me dije dje për gazetën TemA, se operacioni në Vlorë për sekuestrimin e një sasie të konsiderueshme marijuana, u dekonspirua nga prokurori Vladimir Mara. Sipas këtyre burimeve, ai i kishte dërguar Berishës foto dhe video nga operacioni, të cilat më pas u publikuan nga Berisha, ndërkohë që operacioni ishte në zhvillim e sipër.
Por, vetë prokurori Mara e mohon këtë gjë. Ai ka thënë për gazetën TemA, se nuk ka qenë fare dje prezent gjatë momentit të policisë. Prokurori u shpreh për gazetën, se ka qenë në shtëpi, pasi kishte fëmijën sëmurë, dhe është kujdesur për të. Edhe gazetari Artan Hoxha, ka thënë se operacioni i mbrëmshëm është dekonspiruar nga Prokuroria, çka sipas tij, ka bërë që të dështojë arrestimi i Habilajve.
“Ka një zhvillim për ngjarjen e djeshme. Nuk është arritur suksesi i plotë i operacionit pasi është kapur vetëm një sasi e drogës dhe nuk janë arrestuar poseduesit. Habilajt i kanë shpëtur arrestimit si pasojë e rrjedhjes së informacionit nga ana e Prokurorisë”, tha Artan Hoxha.
ma.me
